Граѓаните и студентите во Нови Сад во текот на ноќта останаа пред влезовите на судските органи.
Жандермеријата и припадници на интервентната полиција утрово во 5:30 пристигнаа во дворот на судот каде е блокадата.
Како што пренесуваат Н1 полицијата употребила бибер спреј за да ги растера насобраните пред службениот влез на судот.
Приведен е и фоторепортер, а полицијата тврди дека тој во себе имал бибер спреј.
На другиот влез на судот дошло до буткање помеѓу жандермеријата и граѓаните и притоа е повреден еден цивил.
Зградата каде што се наоѓаат судовите и обвинителствата е блокирана бидејќи активисти на Движењето на слободни граѓани (ПСГ) и неформалната студентска организација СТАВ се притворени до 30 дена.
Граѓаните се повикани денеска да ја блокираат зградата и да не им дозволат на вработените да влезат во неа, откако вчера, со помош на полицискиот кордон, прво влегоа, а потоа си заминаа од работа.