Сирија воведе нов кодекс на облекување на своите плажи, според кој жените се обврзани да носат буркини – специјализирани костими за капење кои го покриваат телото и косата. Новите правила важат и за странските туристки, што предизвика бурни реакции и споредби со рестриктивните практики во Авганистан, јавува Си-ен-ен.
Според сиријските власти, мерката има за цел „заштита на јавниот морал и традиционалните вредности“, но критичарите предупредуваат дека се работи за уште еден чекор во ограничувањето на женските права и слободи во земјата. Туристичките агенции веќе изразуваат загриженост дека новата регулатива може негативно да влијае врз интересот за патување во Сирија.
Иако формално не се наведуваат санкции, присутни се известувања на плажите и препораки од безбедносните сили кои укажуваат на задолжителноста на правилото.
Мерката доаѓа во време на растечко влијание на конзервативните струи во сириското општество и се надоврзува на претходни ограничувања поврзани со облекување, јавен говор и родова еднаквост.