Министерот за животна средина и просторно планирање, Насер Нурдини, заедно со вицепремиерот Фатмир Битиќи и градоначалникот на општина Тетово, Билал Касами, ја посетија опожарената инсталација на компанијата „Пофикс“ во Тетово. При посетата, се сретнаа со сопствениците на компанијата и разговараа за потребните мерки и поддршка за санација на штетите, соопштија денеска од Министерството за животна средина и просторно планирање.
Министерот Нуредини информираше дека внимателно се следат податоците за состојбата со квалитетот на амбиенталниот воздух од мониторинг станицата во Тетово.
– Согласно часовните податоци, во текот на претпладнето забележано е само мало покачување на часовни концентрации на ПМ 10 честичките, но во моментот нема место за паника. Доколку настапи какво било влошување на квалитетот на воздухот, јавноста и општината ќе бидат веднаш информирани за преземање на мерки за заштита, зијавил Нуредини.
Како што веќе објавивме , тетовци дишат двојно повеќе јаглерод моноксид, ПМ10, ПМ2.5 честички, зголемени се концентрациите и на азотен диоксид, а, очекувано по пожарот, има дури шестпати помалку озон во воздухот!
Ова се податоците објавени денеска на Фејсбук профилот на ова Министерство .
