Мене ми е чудно…и суво дрво да беше немаше да изгори за толку кратко време, но да видиме што ќе кажат експертите. Пожарот траел од три до пет минути, вели Нуредини
Координаторот на ковид центарот во Тетово, д-р Гзим Нуредини, утрово информираше дека сите 12 пациенти се во релативно добра здравствена состојба и дека денеска вработените се испитуваат дали имале роднини кои биле пациенти во модуларната болница, дали им биле во посета во работно време или надвор од работното време. Нуредини информираше дека има камери околу објектот, а материјалите се веќе доставени на јавен обвинител.
Тој изрази и вчудовидување од тоа дека пожарот во модуларната болница траел многу кратко.
Бројот на заболени од ковид-19 во Тетово се намалува.
– Во моментов, има 57 хоспитализирани, 36 лица вчера беа прегледани и имаме еден починат, изјави Нуредини.
Во однос на видео-обезбедувањето на болницата тој рече дека болницата имала камери.
– Надзорни камери има, од страничната и од предната страна и материјалите се доставени се на јавен обвинител, рече Нуредини.