Од ноќеска на полноќ според одлуката на Регулаторната комисија за енергетика, малопродажните цени на дизелот поскапуваат за 3 денари, а на бензинот за 2 денари.

Малопродажните цени на ЕУРОСУПЕР БС-95 и ЕУРОСУПЕР БС-98 ќе изнесуваат 64 ден/лит, додека малопродажната цена на ЕУРОСУПЕР БС-98 ќе изнесува 66 ден/лит.

Малопродажната цена на ЕУРОДИЗЕЛ (Д-Е V) ќе изнесува 50 ден/лит, додека малопродажната цена на Екстра лесното масло за домаќинство (ЕЛ-1)ќе изнесува 38,50 ден/лит.

Малопродажната цена на мазутот М-1 НС се зголемува за 1,419 ден/кг во однос на цената утврдена со Одлуката од 16.05.2016 година и со тоа цената на М-1 НС изнесува 20,883 ден/кг.

Просечната цена на сирова нафта на светскиот пазар во изминатиот 14-то дневен период изнесуваше 48,659 $/барел и е за 8,82 % повисока од просечната цена на сурова нафта (44,715 $/барел) по која беа формирани тековните цени на нафтените деривати.