Неформалната група студенти во Црна Гора „Камо сјутра“ соопшти дека од утре, 3 февруари, секој ден ќе биде блокиран по еден пат до дополнително известување, бидејќи нивните барања не биле исполнети по злосторството во Цетиње на 1 јануари.
View this post on Instagram
Ацо Мартиновиќ од Цетиње на 1 јануари во Цетиње уби 13 лица, а тројца тешко рани, по што се самоуби. Тоа беше второ повеќекратно убиство во последните две и пол години во Цетиње. Во август 2022 година, Вук Бориловиќ уби десет лица, по што беше убиен. Меѓу жртвите во овие две убиства има вкупно четири деца.
Трагедијата во Цетиње предизвика гнев и револт кај граѓаните, кои бараат одговорност од надлежните за пропустите кои доведоа до повторување на повеќекратни убиства.
View this post on Instagram
Црногорските студенти протестираат цел месец јануари, а имаат поддршка и од граѓаните.
На еден од протестите, студентите носеа голем транспарент на кој пишуваше „Крајот на изговорите е почеток на одговорите“, скандираа „Фотелјаши“, „Оставки“, „Не се предаваме“ и носеа кожна столица со кукла која наликува на министерот за внатрешни работи.
Покрај оставките, тие бараат побрза и поактивна акција од властите во однос на поседувањето оружје, реформи во безбедносниот сектор, враќање на граѓанското образование во училиштата и подобрување на институционалниот пристап во грижата за менталното здравје.
„Дваесет и три минути врева ќе започнува во 17 часот и 26 минути“, објавија тие на социјалната мрежа Х.
Poštovane građanke i građani,
Počevši od śutra 3. februara, svakog dana do daljnjeg će biti blokirana jedna saobraćajnica. Dvadeset tri minuta buke počinjaće u 17:26 h. O tačnoj lokaciji informisaćemo u 16:26 h putem naših mreža.
Svi na ulice! Svi po naše bezbjedno śutra! pic.twitter.com/I9eVGPfv0C
— Kamo Śutra? (@KamoSjutra) February 2, 2025
Тие наведуваат дека за точната локација ќе информираат во 16 часот и 26 минути преку социјалните мрежи.
„Сите на улица! Сите за наше безбедно утре“, заклучија неформалната група студенти „Камо сјутра“.
Клучните барања на студентската група се разрешување на министерот за внатрешни работи Данило Шарановиќ и вицепремиерот на Црна Гора Алексе Бечиќ бидејќи, според нив, ништо не е преземено за да се спречи повторување на злосторства слични на она што се случи во Цетиње на 1 јануари годинава.
Подготви: Д. Тахири