Поранешниот началник во УБК Горан Грујевски и службеникот Никола Бошковски денеска се појавија во Врховниот суд во Атина, каде ќе се одлучува по нивната жалба за одлуката за екстрадиција на судот во Солун, објави МИА.
Заедно со Грујевски и Бошковски, во Врходниот суд се одлучува и за 18 други случаи.
Минатото рочиште беше одложено поради краткиот период што го имале бранителите за разгледување на предметот и бидејќи не бил обезбеден преведувач на македонски јазик.
Во судницата била присутна службено назначена преведувачка од бугарски јазик.
За Грујевски и Бошковски во Грција се водат три различни и меѓусебно неповрзани процеси: за фалсификуваните пасоши со кои беа фатени на солунскиот аеродром, барањето за азил поднесено на 29 ноември минатата година и за македонското барање за екстрадиција, за кој Советот на судии во Солун, на 5 јануари одлучи тие да бидат екстрадирани во Македонија.