Скопското Јавно обвинителство денеска соопшти дека издало наредби за проверка на информациите за кражба на пари и предмети од банкарски сефови во Шпаркасе банка.
– Основното јавно обвинителство – Скопје од 30.11.2017 година постапува по пријавата за наводна кражба на пари и вредни предмети од сефови во Шпаркасе банка. Пријавата е заснована на изјавите на две лица кои тврдат дека во нивните банкарски сефови недостигаат пари и вредни предмети, се вели во соопштението од Обвинителството.
Оваа пријава веднаш е доделена на дежурен јавен обвинител, кој во насока на расветлување на случајот издаде наредба за обезбедување на снимките од видео надзорот и барање за обезбедување податоци и документација од банката.
Истовремено, издадена е и наредба за вештачење на материјални траги подигнати на лице место. Притоа, се проверува кој се имал пристап до трезорот со сефови на банката.
МВР вчера објави дека добиле пријави од петмина граѓани дека им недостасуваат пари и предмети кои ги чувале во сефови на „Шпаркасе банка“, а вознемирени граѓани вчера беа во банката за да ги проверат своите сефови.
Од Шпаркасе, преку соопштение вчера преку соопштение информираа дека работат со МВР во истрагата за пријавите.