Основното јавно обвинителство Скопје донело Наредба за спроведување истражна постапка против девет лица, соопштија од обвинителството. Сите се сомничат за „Злоупотреба на службена положба и овластување“ и за Несовесно работење во службата“.
Како што е наведено во соопштението, лицата се осомничени дека во 2014 година постапиле незаконски при одлучувањето во постапки за легализација на дивоградби, со што нанеле штета во висина од 4.100.090 денари односно околу 66.600 илјади евра.
„Ценејќи дека се исполнети законските основи, надлежен јавен обвинител до судија на претходна постапка поднесе и Предлог за определување мерки за обезбедување за шестмина од осомничените. Како мерки за обезбедување се предложени: забрана за напуштање на живеалиште, обврска да се јавуваат во суд и одземање на патна исправа“, пишува во соопштението на обвинителството.
Според неофицијални информации меѓу лицата кои утринава биле приведени беше и поранешниот градоначалник на Општина Карпош, Сокол Митровски.
Митровски беше градоначалник на општина Ѓорче Петров од 2005 до 2017 година.