Оланд: На луѓето им е мачно од испадите на Доналд Трамп

Претседателот на Франција, Франсоа Оланд предупредува дека ако кандидатот на Републиканците во САД, Доналд Трамп победи на изборите во ноември, тоа ќе ја отвори вратата за конзервативната политика низ светот.

– Ако Трамп победи во ноември, тоа може да има влијание и врз претседателските избори во Франција на пролет 2017. Ако Американците го изберат Трамп, тоа ќе донесе и последици, затоа што американските избори се светски избори, изјави Оланд.

Тој додава дека на луѓето понекогаш им е мачно од испадите на Трамп и неговите изјави.