Владејачкото мнозинство во Парламентот не успеа да ги донесе измените на Законот за работни односи и 60-ина судии и 13 обвинители од задутре ќе одат во пензија.

Само што вечерва почна седницата за овие измени, кои опозицијата жестоко ги бранеше предизвикувајќи и инциденти, претседателот на Собранието Талат Џафери ја прекина.

„Само вие ги знаете причините зошто брзате да ги испратите во пензија овие судии и обвинители. Ние сакаме да им го продолжиме мандатот не за нас, туку за граѓаните. А вие си знаете зошто сакате да го спречите тоа. Се жалите сте биле уморни по целодневна расправа за пратенички прашања. Еве тука ја прекинувам оваа седница, за нејзиното продолжение дополнително ќе бидете известени“, рече Џафери.

Според образложението на предлог-измените на Законот за работните односи, продолжувањето на работниот век на 60 судии и 13 обвинители до 67 години старост е од суштински јавен интерес и ќе овозможи моментално непречено извршување на судската власт како есенција на владеењето на правото.

Прекината собраниската седница за продолжување на работниот ангажман на судии и обвинители