„Новата Влада одржува добрососедски односи со сите држави од регионот“, рече денеска вицепремиерот за европски прашања Бујар Османи одговарајќи на новинарско прашање. Османи рече дека преземаат активности за да ги затворат отворените прашања со соседите, а не да отвораат нови.
„Будно ја следиме состојбата, меѓутоа не би избрзале со заклучоци. Тоа што може е да ја поздравиме изјавата од српска страна, односно нивниот официјален став за заштита на пријателските односи и враќање на состојбите во вообичаените рамки“, рече Османи на денешната прес-конференција во Владата.
Османи рече дека Косово воопшто нема поднесено апликација за прием во УНЕСКО и затоа тоа воопшто не е предмет на разговор.
„Во моментот кога некој ќе ни побара поддршка, тогаш ќе донесеме одлука по ова прашање“, рече Османи.