Потребно е да се придржуваме до Патоказот на меѓународната заедница за деескалација, со потсетување дека Силите на НАТО во Косово (КФОР) имаат задача да овозможат безбедно и сигурно опкружување во северните косовски општини, објави шефот на дипломатијата Бујар Османи на Твитер.
„Во својство на министер за надворешни работи и претседавач на ОБСЕ разговарав со шефовите на дипломатиите на Србија и Косово. Го повторив мојот повик за итна деескалација во северните општини во Косово“, наведе Османи во твитот.
Според него, од клучно значење е Србија да овозможи итен пристап приведените косовски полицајци и да ги ослободи.
– Клучно е сите страни да работат на мир и јас ги повикав да го сторат тоа! ОБСЕ понуди и е подготвен да помогне согласно потребите, додаде Османи.