Published: Tuesday, June 23, 2020 11:52
Вицепремиерот за европски прашања Бујар Османи на неговиот Фејсбук профил напиша дека е време за да се отвораат границите без никакви ограничувања.
„Време е да ги отвориме аеродромите и границите без ограничувања“, напиша вицепремиерот Османи.
Можноста за целосно отворање на границите без сегашните услови, односно задолжителен ПСР тест и самоизолација ќе биде тема на разговорот со Комисијата за заразни болести и денеска по што ќе се донесе соодветна одлука.
Владата на вчерашната седница го прифати предлогот на Комисијата за заразни болести за враќање во нормала на организираниот превоз на патници од и кон подрачјето на општина Тетово.