“Не сме информирани официјално за таков став на Руската федерација кон нашата држава”, одговори денеска министерот за надворешни работи, Бујар Османи, откако Владата на Руската Федерација денеска го одобри списокот на странски земји и територии кои, како што се наведува, претставуваат непријателски дејствија против Русија, нејзините компании и граѓани. На списокот се наоѓа и Северна Македонија, а други земји од регионот се Црна Гора и Албанија.
Османи на денешниот брифинг со новинарите, како што веќе објавивме, ја нарече “класична закана” објавата на руската амбасада во Северна Македонија дека ги следи и документира активностите против Руската федерација.
“Во текот на денешниот ден ќе одржиме координативен состанок за да заземеме став околу оваа објава на руската амбасада која е класична закана”, рече Османи на брифингот.
(С.К)