Голем број на Блогери и Инфлуенсери годинава дојдоа во посета на Македонија и во соработка со АППТ се овозможи голема промоција на нашите туристички потенцијали.
Еден од инфлуенсерите, испириран од убавините на Македонија, сликовито им долови на идните посетители што значи да се доживее нашата земја.
Роберт својата приказна ја започна со “Од Вардар до Триглав”, познат стих кој можеше да се слушне на секој чекор во текот на осумдесеттите и деведесеттите години, а кој служеше да се опише богатството и големината која Југославија ја имаше некогаш.
Посетата на земјите на бивша Југославија одела во обратен редослед и Македонија ја посетил последна, но она што може да го каже е дека нашата држава покрај неговата е негова омилена дестинација.
Причина за тоа се неверојатните локации кои ги посетил, вкусната храна како и прекрасните луѓе на кои наидувал на секој чекор и она што му претставува задоволство е дека на крајот на патувањето, дел од таа љубов сакал да ја пренесе и нам.
„Сместена во срцето на Балканот, оваа мала земја со големи луѓе, брои околу 2 милиони, а граничи со Србија, Албанија, Грција и Бугарија. Службен јазик е македонски, а главен град е Скопје во кое живеат повеќе од 600 илјади граѓани. Службена валута е македонски денар.“, вели Роберт.
Тој додава дека најдобро време за посета е пролет, но сигурно нема да погрешат посетителите ако дојдат во било кое време, затоа што во Македонија можете да скијате, да шетате, да се бањате и навистина да доживеете еден незаборавен одмор.
„Најлесен начин да ја посетите земјата е со директен лет од Белград до Охрид или преку лет од Сараево до Скопје. На граѓаните од Босна и Херцеговина и Србија не им потребен пасош за патување во Македонија, па така во земјата можат да влезат само со лична карта“, рече Дацешин.
Со намера да го долови миксот на богата историја и чудесиите на природата Роберт откри неколку помалку познати места за кои посетителите можеби не знаеле.