Поранешниот папа Бенедикт XVI денеска призна дека дал неточни информации во истрага за свештеникот педофил и сексуалното злоставување во Германската католичка црква, но затоа обвини за „превид“ во уредувањето на неговата изјава.
Признанието го објави неговиот приватен секретар Георг Ганшвајн на интернет страницата „Ватикан њуз“, објави агенцијата ДПА, пренесува индекс.хр.
Спротивно на она што првично го изјавил, Бенедикт XVI во 1980 година, како надбискуп на Минхен, присуствувал на состанок на кој се разговарало за свештеник кој повеќе пати привлекувал внимание поради сексуално злоставување на деца.
Агенцијата ДПА наведува дека свештеникот подоцна е вратен на служба во Баварија.
Грешката „не е направена со лоши намери, туку е „последица на превид при уредување на неговата изјава“, се вели во соопштението.
Папата изрази „големо жалење“ за грешката и се надева дека ќе му биде простено, но во соопштението се тврди дека на тој состанок не е донесена одлука за враќање на свештеникот на неговите свештенички должности.
Независниот извештај што беше објавен минатата недела покажа дека Бенедикт XVI, кој поднесе оставка во 2013 година, свесно не направил ништо по повод четворицата свештеници кои беа обвинети за сексуално злоставување на деца.