Папата Франциск ја отфрли оставката на Архиепископот од Хамбург кој ја понуди откако беше наведен во извештајот меѓу неколку високи претставници на Католичката црква во Германија кои не реагираа соодветно на сексуална злоупотреба.
Ватикан соопшти дека внимателно ги разгледал документите поврзани со активностите на архиепископот Стефан Хесе, кој некогаш бил задолжен за екипирање на архиепископијата во Келн.
„Иако Ватикан откри недостатоци во организацијата на својата канцеларија и лични грешки во процедурата, не откри дека имало намера да се прикрие злоупотребата“, се вели во соопштението на Ватикан објавено на веб -страницата на Германската бискупска конференција.
„Главниот проблем, во поширокиот контекст на управувањето со Архиепископијата, беше недостигот на внимание и чувствителност кон жртвите на злоупотреба“, се наведува во соопштението.
Архиепископот поднесе оставка во март, откако беше објавен извештај од 800 страници за одговорот на сексуалната злоупотреба во Келнската архиепископија. Во извештајот се наведува дека над 200 злоставувачи и повеќе од 300 жртви биле откриени во периодот од 1975 до 2018 година.
„Со оглед на фактот дека архиепископот понизно ги препознава грешките што ги направил во минатото и понудил оставка, Светиот Отец одлучи да не ја прифати неговата оставка“, се наведува во соопштението од Ватикан.