„Акцијата на незадоволните граѓани“ (АНО), предводена од премиерот на Чешката Република Андреј Бабиш, победи на изборите за Долниот дом на Парламентот, кои завршија денеска напладне.
По пребројувањето на првите 4 отсто од гласовите, АНО води со 31 процент од гласовите. Според излезните анкети, Движењето убедливо води над своите ривали. Разликата е значајна и според политиколозите, што сериозно ќе влијае на конечниот резултат и ќе го потврди успехот на Бабиш, кој се обидува да ја задржи премиерската функција.
Долниот дом на парламентот ќе влез и партиската коалиција Заедно, која ја вклучува десничарската Граѓанско-демократска партија,
Демохристијанските демократи и партијата „Традиција, одговорност, просперитет 09“ со освоени 23,9 отсто од гласовите. Лево-либералната Пиратска партија, која влезе во коалиција со „Градоначалници и независни“, доби 12,4 отсто од гласовите. Партиите Слобода и директна демократија (10,5%), Чешката социјалдемократска партија (5,3%) и граѓанското движење Заклетва, исто така, успеаја да го надминат прагот од 5 отсто за влез во Парламентот.
Според податоците, излезноста во земјата била 62 отсто.