Владеачката социјалистичка партија е во водство на парламентарните избори во Шпанија по 50 отсто преброени гласачки ливчиња. Гласачките места беа затворени во 20 часот, но прелиминарните упатуваат дека ниту една партија или коалиција ќе нема апсолутно мнозинство.
По 20 отсто од преброените гласачки ливчиња, проекциите се дека социјалистите на актуелниот премиер Педро Санчез ќе имаат 124 мандати од вкупно 350 во долниот дом на Кортесот, а по нив следи конзервативната Народна партија со 87 пратеници.
Третото место по бројот на мандати е за десничарското движење „Вокс“ со 49 пратеници што е огромен пораст за разлика од претходните избори на кои освои 24 места. Радикално левичарсскиот „Подемос Унидас“, пак, доби 26 места додека партијата на центарот „Граѓани“ освои 10 ќе има 10 пратеници.
Право на глас на изборите имаа 37 милиони шпански државјани кои се изјаснија за 350 пратеници на долниот дом и за 208 пратенички места во горниот дом на Кортесот.