Никола Груевски е на одмор со семејството во Сицилија, Италија. Со враќа утре со летот од Рим во шест попладне, но негова дестинација не е Скопје туку Софија. НОВАТВ во соработка со колегите од мрежата на новинари (ОCCRP) дојде до авионските резервации на поранешниот премиер и претседател на ВМРО-ДПМНЕ Никола Груевски кои покажуваат дека тој веќе пет дена е во градот Катанија на островот Сицилија.
Авионските билети покажуваат дека Груевски со сопругата Боркица, мајката Нада и двете ќерки на први јули во 8 часот прво слетал во градот Бари во Италија. Оттаму не е познато како стасува до Рим од каде што оди за Сицилија. Утре во шест попладне Груевски од аеродромот во Рим ја напушта Италија и вечерта слетува во Софија. Ова се само резервации и останува можноста картите да се променат.
Откако на социјалните мрежи се појави фотографија од Груевски како шета во продавница на луксузен бренд на аеродромот во Рим, партијата писмено соопшти дека тој е на свадба во Италија кај личен пријател.
Како и секој патник на кој било аеродром, времето додека чека го поминува разгледувајќи ги фришоповите, рекоа од партијата
Сепак, во јавноста се создаде перцпеција дека Груевски избегнува да се сретне со германскиот специјален претставник Јоханес Ханјдл кој вчера пристигна да се сретне со лидерите на партиите во обид да се спасува Пржинскиот договор.
Патувањето на Груевски предизвика духовити реакции на социјалните мрежи каде што корисниците се шегуваа и правела паралели со сицилијанската мафија, со фиктивните филмски мафијашки карактери како Дон Корлеоне. Се појавија и духовити фотомонтажи како оваа во продолжение.
Катаниа е древен град основан од античките Грци кој има драматична и уникатна положба помеѓу вулканот Етна и Јонското море и е втор по големина град на источниот брег на Сицилија.
