Грчкиот претседател Прокопис Павлопулос повика на внимателност во одбрана на социјалната правда и солидарност за Европа никогаш повторно да не биде „мрачен континент” како резултат на силите на нацизмот и фашизмот.
Нацистичките и фашистичките формации, како и другите популистички сили, кои, исто така, ја загрозуваат парламентарната демократија, кои се во пораст во разни земји-членки на ЕУ, се причина за загриженост, предупреди грчкиот претседател.
Фактот дека нивниот замав малку забави на последните европски избори е позитивна работа, вели Павлопулос, и вели дека главната цел е да се искоренат причините што доведоа до оживување на овие „остатоци“ кои го враќаат кошмарот од Втората светска војна.
Тој уште потенцира дека Грција е мирољубива земја, која верува во пријателство и добрососедство, под услов целосно почитување на меѓународното и европското право.