Ѓорге Иванов и се обрати на нацијата со речник на меѓунационална омраза и шовинизам, реагира Партијата за демократски просперитет (ПДП) по вчерашното обраќање на Иванов.
Според нив, ова е ново продчлабочиување на долгата и тешка политичка и економска криза на државата од независноста до денес.
ПДП ќе им предложи на сите албански партии во Република Македонија да потпишат заеднички меморандум со кој ќе го прогласат лицето Ѓорге Иванов за непосакувана личност за Албанците и ќе побараат веднаш да поднесе оставка.
„Со чинот на недавање мандат за составување на влада преку неговото наивно образложение и негирање на Платформата на албанските политички партии лицето Иванов уште еднаш докажа дека Уставот за него не претставува ништо туку прогласите на неговата политичка партија се закон и Устав. ПДП уште еднаш го потсетува лицето Иванов дека не е тој туку Уставниот суд согласно член 31 од Законот за политички партии кој е надлежен да покрене судски спор во случај кога политичката платформа на некоја политичка партија не е во склад со уставните норми.
ПДП го повикува лицето Иванов да се вразуми и да ги почитува пријателските препораки на меѓународната заедница и да го врачи мандатот на Зоран Заев за да има реформска влада за излез од државата од најтешката политичка и економска криза во перидот од самостојувањето, додава ПДП.