Кина денеска ги повика САД да не ги користат другите земји како изговор за остварување на сопствените интереси, откако американскиот претседател Доналд Трамп изјави дека САД треба да ја преземат контролата врз Гренланд за да спречат Русија или Кина да го заземат во иднина.
Арктикот се однесува на целокупните интереси на меѓународната заедница, изјави портпаролката на кинеското Министерство за надворешни работи, Мао Нинг, на прес-конференција, пренесува Синхуа.
Според неа, активностите на Кина на Арктикот имаат за цел да промовираат мир, стабилност и одржлив развој во регионот, се во согласност со законот и треба целосно да се почитуваат, изјави портпаролката на кинеското Министерство за надворешни работи.
Мао, исто така, повика на почитување на правата и слободите на сите нации за спроведување законски дејствија на Арктикот.