Во крвавиот напад на Менхетен загинаа осум луѓе од кои една Белгијка која со мајката и сестрата била на туристичко патување во Америка и пет пријатели од Аргентина кои дошле во Њујорк за да прослават 30. години од матура.
Петмината пријатели биле дел од десетчлена група, а дошле од градот Росарио во Аргентина. Загинаа прегазени од камионот кој го возеше 29. годишниот Узбекистанец Сауфилио Саипов.
Хернан Диего Мендоза, Диего Енрике Ангелина, Алесандро Дамиан Пагнуко, Ариел Ерлиј и Хернан Феручи, сите на возраст од 48 и 49 години, биле пријатели од Политехничкиот институт и на пат кон Њујорк тргнале во саботата попладне.
Не насетувајќи каква судбина ги чека, групата се фотографирала на аеродромот во Росарио пред да се качат на авион за Њујорк.
Целото патување го организирал Ариел Ерлиј, кој е меѓу загинатите, а кој поради проблеми на работа морал патувањето да го одлoжи за еден ден. Заминал на аеродром за да се поздрави со пријателите и да ги испрати, а потоа откако полетале, Ерлиј се вратил на работа и следниот ден и тој тргнал во Њујорк.
- годишниот Ариел Ерлиј е познат аргентински бизнисмен, сопственик на компанија која се занимава со производство на производи од челик и железо и кој им го платил патувањето на двајца колеги кои биле помалку имотни и немале пари за патувањето.
Групата во саботата и неделата прво била во Бостон каде живеел еден нивни другар од генерацијата 87, а во понеделникот заминале за Њујорк.
Во моментот на нападот друштвото одлучило малку да се рекреира и изнајмиле велосипеди и сакале да се повозат и на тој начин да го разгледаат градот.
Another video appears to show the rented truck after the attack, police nearby. All of this a five minute walk from the WTC Memorial. 2/2 pic.twitter.com/SPn9WfjOBi
— Jacob Rascon (@jacobabc13) October 31, 2017
Напаѓачот прво со комбе влетал на популарната велосипедска патека на Менхетн, и таму удрил неколку пешаци и велосипедисти. Потоа на улицата “Чемберс” се судрил со училишен автобус, при што биле повредени две возрасни лица и две деца.
Наводно, возачот извикувал “Алаху акбар” при извршувањето на нападот. Тој бил застрелан и совладан од полицијата и одведен во болница.