Published: Friday, April 15, 2016 14:16
Петмина полицајци се повредени во вчерашните протести во центарот на Скопје. Како што соопшти МВР петмината биле пренесени во Градската болница по што биле пуштени на домашно лекување.
Во соопштението се наведува дека полицајците биле повредени откако дел од групата граѓани ги каменувала полициските службеници поради незадоволство, при што фрлале камења, цигли и во повеќе наврати фрлиле запалени бакли кон кордонот.
Притоа полицијата, без употреба на физичка сила, масата од околу 2000 граѓани била потисната, а со цел како што велат од МВР, одбивање на каменувањето како и да се спречи оштетување на објекти и повреди на други лица.
Според МВР на вчерашните протести учествувале околу 4000 граѓани.