Министерката за одбрана Славјанка Петровска денеска ќе престојува во еднодневна работна посета на Косово. Министерката во Приштина, ќе има средба со министерот за одбрана на Косово, Арменд Мехај, со кого ќе потпишат договор за соработка.
Петровска во командата на НАТО мисијата на Косово, КФОР, ќе се сретне со заменик – командантот на мисијата, италијанскиот бригаден генерал Лука Пиперни, по што во Командата на регион Запад, во Пеќ, ќе се сретне со командантот на оваа команда, полковникот Марко Јавароне, како и со контингентот од 74 припадници на Армијата на Македонија кои се дел од оваа мисија.
Северна Македонија од 2007 година обезбедува логистичка поддршка на НАТО мисијата во Косово, а од 2020 година како земја – членка на Алијансата, во КФОР придонесува и со наша војска. Во моментов оваа мисија брои над 3.700 војници од 28 нации.