„Најсоодветна и согласно перформансите меѓутоа и цената и комплетната понуда, вклучително и системот за одржување е понудата од италијанската компанија Леонардо, согласно која ќе бидат набавени два типа на хеликоптери, Агуста 149 и Агуста 169. Едниот хеликоптер е со поголема носивост, до 14 патници со опрема, а другиот е со помала носивост, до 8 патници исто така со вклучена опрема. Тоа е она што во моментов можам да го соопштам во текот на понудата. Се разбира сега одиме на следната фаза, а тоа е формирањето на комисијата за набавки, досега тоа го работеше интегрираниот проектен тим. Сега согласно процедурите ќе се формира комисија која ќе започне со преговарање со компанијата чија што понуда е селектирана како најповолна,“ рече министерката за одбрана и претседавач на Централниот одбор на СДСМ, Славјанка Петровска, во емисијата „360 степени“ која се емитува на МРТВ 1, на прашањето за набавки на хеликоптери.
Петровска во делот на модернизација на армијата информираше дека оваа година се очекуваат да пристигнат уште 16 тина телеграфски оклопни транспортери JLTV кои се набавуваат од САД, од кои досега се пристигнати 32. Како и дека оваа година треба да се почне со испораката на првите оклопни тренспортери STRAJKER.
„За противвоздушен систем за одбрана од Франција, договорот ќој го потпишавме во 2022 година, вреден 66 милони евра, треба да започне испораката во август 2025 година. Истиот период некаде 2025-2026 ќе треба да започне и испораката на артилерискиот систем кој е набавен од Република Турција,“информираше Петровска.
Во однос на набавката на дронови, министерката информираше дека, завршена е една од фазите за евалуација на пазарот, понатаму комисијата треба да продолжи со понатамошна евалуација и да бидат повикувани компании кои одговараат согласно побарувањата на Армијата, да достават свои понуди.