Published: Monday, May 4, 2020 22:38
За денешното снимање на спотот за Денот на полицијата со реакција се јави и дополнителната заменик министерка во МВР, Славјанка Петровска која изрази негодување за настанот за кој била известена. А, преку својот Фејсбук налог образложи и зашто не се согласува со преземените активности на институцијата во промотивни цели.
„Во услови на вонредна состојба и полициски час, да повлечеш од терен 80-тина полициски возила и најмалку 100-тина полицајци за да снимаш спот е неодговорно и несовесно раководење. Зарем полициските службеници кои веќе два месеца деноноќно се на терен треба да бидат искористени како статисти за снимање спот? – Ова ли е начин да се штитат правата на вработените? – Вака не треба, ова е погрешно“, напиша Петровска на Фејсбук.