Published: Monday, July 19, 2021 20:03
Продолжува пинг-понгот на релација собранискиот спикер – ВМРО-ДПМНЕ. Талат Џафери веќе врати едно барање за интерпелација од опозициската партија, со образложение, според член 136 од Деловникот, дека е неуредна во отсуство на новото уставно име на земјава.
ВМРО-ДПМНЕ денеска, сепак, возрати со ново барање за интерпелација на Талат Џафери и повторно без додавката „Северна“. Според координаторот на пратеничката група, Никола Мицевски претходното нивно барање било неосновано одбиено од првиот човек на законодавниот дом.
ВМРО-ДПМНЕ, со поддршка од Левица, поднесе интерпелација против Џафери за противуставното обраќање на албански јазик во Европскиот парламент и покрај тоа што македонскиот е службен јазик за меѓународна употреба.