Во разговорите помеѓу Косово и Србија се чувствува една новина и мислам дека двете страни сериозно се припремаат за продолжување на разговорите во рамките на она што го припреми Европската Унија, изјави во дебатната емисија Клик плус на ТВ21, хрватскиот европратеник Тонино Пицула. Според него Соединетите Американски Држави го продолжуваат својот ангажман, овој пат нешто посериозно, а доколку ги следиме и пораките на Претседателот Бајден упатена кон српските лидери и косовските политичари, тие пораки се јасно индикативни.

– После се е јасно дека без меѓусебен договор за цела низа на прашања и едната и другата страна не може да очекуваат брз напредок спрема членство, во случајот на Србија и почеток на преговорите во случајот на Косово, потенцира Пицула.

Тој потенцира дека Црна Гора веќе долго време беше по се единствен случај, се работеше за држава која практично од своето државно, не само осамостојување туку и од воведувањето на повеќе партискиот систем во 1990 година немаше ниедна транзиција на власта после избори.

– И кога тоа се случи во Август минатата година тогаш Црна Гора но и Европската Унија се соочија со една дотогаш непозната ситуација, односно како новата власт во Црна Гора ќе реагира на наследството, па и на надворешната политичката ориентација на владите пред неа и како Европската Унија напросто ќе реагира на држава која во тој момент највеќе напредуваше кон членство, но можеби со некои нови приоритети и со некои нови политички сензибилитети. Можам да ви кажам дека не е досадно и во овој момент во Црна Гора се одвива еден многу сложен политички процес затоа што власта на Демократската Партија на социјалистите и претседателот Мило Ѓукановиќ не ги замени некоја друга партија или коалиција, туку коалиција на коалиција, се работи за една значително хетерогена јас би рекол група на политики кои во овој момент имаат многу сериозен проблем да се договорат околу некои основни политички перспективи на самата Црна Гора. Нам во Брисел ни е многу мило што новата влада ги почитува меѓународните обврски на Црна Гора како што е пред се се разбира членството во НАТО, но и јасната перспектива на членство во Европската Унија. Меѓутоа, внатре таквиот хетероген блок често се слушаат гласови кои ние во Европскиот Парламент па и во институциите на Европскат Унија не можеме да ги прифатиме, како што е негирање на геноцидот во Сребреница или одреден сензибилитет спрема малцинствата па и наследството на граѓанската држава. Меѓутоа нашата комуникација е отворена, таа е стабилна, еве пред неколку недели во Европскиот Парламент и усвоен и мојот извештај за состојбата во Црна Гора, соработката сепак дава резултати што се виде од неколку примери, меѓутоа далеку е тоа од времето кога можевте многу поизвесно да ги предвидите потезите на Подгорица, додаде Пицула.

Во овој момент според него,  ќе треба да бидеме трпеливи и едните и другите, но ако таа соработка се движи во рамките на тоа што е веќе договорено тогаш верувам дека има причина за оптимизам.