Севернокорејското Министерство за надворешни работи соопшти дека новата стратегија на американскиот претседател Доналд Трамп за безбедност е „криминален документ“
-Политиката „ Америка на прво место“ не е ништо друго освен проглас на агресија со цел да се одржи влијанието врз светот во согласност со нивните интереси, вели во соопштението од портпаролот на севернокорејското министерство, пренесе Ројтерс.
Во новата национална стратегија, објавена во понеделникот, Трамп вели дека Вашингтон мора да одговори на предизвикот на оружените програми на Северна Кореја.
Ројтерс посочува дека денеска Советот за безбедност на ОН треба да гласа за резолуцијата на САД со која повторно се повикува на заострување на санкциите кон Северна Кореја.
Трамп, најавувајќи ја новата национална стратегија за безбедност, изјави дека САД ќе следат доктрина според која „Америка е на прво место“.
Тој тогаш рече дека Кина и Русија се „ревизионистички сили“ и конкуренти што настојуваат да ја оспорат моќта на САД и да ги поткопаат американската безбедност и просперитет.
Новата американска безбедносна стратегија беше критикувана од Москва и Пекинг.