Марибор по третпат во клупската историја ќе игра во групна фаза во Лигата на шампиони (ЛШ). Квалификацискиот подвиг што почна со двомеч против Зрински (БиХ) продолжи против Хафнарфјордур (Исланд) за, конечно, да биде комплетиран низ 180 минути со Хапоел Бер Шева. Словенечкиот состав како домаќин вечерва го совлада ривалот од Израел со 1:0 во реванш плеј-оф пресметката (Хапоел славеше со 2:1 во првиот меч) и по 2000 година и во 2014 година повторно обезбеди место меѓу европската фудбалска елита. Стрелец на единствениот погодок на „Људски врт“ беше Митја Вилер во 15 минута.
https://www.youtube.com/watch?v=h9Gj59M57d0
Риека не успеа да го копира успехот на Марибор против Олимпијакос. И хрватскиот првак го дочека реваншот со негатива од 1:2 по гостувањето во Грција, но „црвено-белите“ од Пиреја слаева со минимални 1:0 и на „Руевица“ за осигурување на виза за влез меѓу најдобрите 32 клуба на европскиот континент за сезоната 2017/18. По заминувањето на Стефан Ристовски во Спортинг Лисабон, за домашните не играше ниту Леонард Жута кој вечерва издржуваше суспензија за добиен црвен картон. Марко Марин го постигна победничкиот гол за Олимпијакос во 25 минута.
https://www.youtube.com/watch?v=4gSDmnx4lBk
По триумфот на „Сан Паоло“ со 2:0, Наполи ја совлада Ница и во реваншот со идентичен резултат за ново учество во групите во шампионската Лига на УЕФА. Калјехон во 48 минута и Инсиње во 89 минута беа стрелци за наполитанците на гостувањето на Азурниот брег.
Севилја ремизира (2:2) со Басакшехир во реваншот на „Санчез Пискуан“, па благодарение на победата со 2:1 во првиот меч во Истанбул ќе игра во главната фаза на елитното натпреварување. Дел од неа ќе биде и Селтик чии фудбалери ја завршија плеј-оф работата уште во првиот меч што го добија со 5:0. Астана попладнево забележа пирова победа во Казахстан (4:3) и се прости од настапите за ЛШ за оваа сезона.
Плеј-оф за Лига на шампиони/реванши
Марибор – Хапоел Бер Шева 1:0 (1:2)
Риека – Олимпијакос 0:1 (1:2)
Ница – Наполи 0:1 (0:2)
Севилја – Истанбул Басакшехир 2:2 (2:1)
Астана – Селтик 4:3 (0:5)
Утре играат
ЦСКА Москва – Јанг Бојс (1:0)
Копенхаген – Карабаг (0:1)
ФЦСБ – Спортинг Лисабон (0:0)
Ливерпул – Хофенхајм (2:1)
Славија Прага – АПОЕЛ (0:2)
Во заграда е резултати од првите средби