Спортинг на Стефан Ристовски го „потопи“ тимот на ФЦСБ (поранешна Стеауа) во Романија со 5:1 и се пласира во главната фаза во фудбалската Лига на шампиони (ЛШ). Македонскиот репрезентативец не беше во составот од Лисабон, но сигурно ќе биде во мечевите по групи во елитното натпреварување на УЕФА наесен. Стрелци за португалскиот претставник на националната арена во Букурешт беа Думбија во 13 минута, Акуња во 35., Мартинс во 64., Дост во 75. и Баталја во 88., почесниот за домашните го постигна Маранхао во 20 минута. Првиот меч меѓу Спортинг и ФЦСБ заврши без голови.
https://www.youtube.com/watch?v=mc4HyLRcUWQ
Карабаг го испрати вардаровиот „џелат“ Копенхаген во Лига Европа
Изненадување на вечерта приреди Карабаг. Екипата на Копенхаген, која до плеј-офот за ЛШ стигна по елиминацијата на Вардар, оствари пирова победа пред своите гледачи над претставникот на Азербејџан. Данскиот состав славеше со 2:1, но благодарение на голот на гости и минималниот триумф во првата средба во Баку, тимот на Карабаг за првпат во историјата ќе биде дел од групите во ЛШ.
Ливерпул и во реваншот го совлада Хофенхајм со 4:2 и со вкупни 6:3 продолжува во групната фаза што синоќа ја осигураа и ЦСКА Москва по победата над Јанг Бојс со 2:0 и АПОЕЛ преку Славија Прага (2:0, 0:0).
Ждрепката за групите е закажана за попладнево (18 ч.) во Монако.
Лига на шампиони/плеј-оф/реванши
ФЦСБ – Спортинг Лисабон 1:5 (0:0)
Копенхаген – Карабаг 2:1 (0:1)
ЦСКА Москва – Јанг Бојс 2:0 (1:0)
Ливерпул – Хофенхајм 4:2 (2:1)
Славија Прага – АПОЕЛ 0:0 (0:2)
Во заграда се резултати од првите средби