МВР до Основното јавно обвинителство денеска ја достави кривичната пријава против Дејан Митровски – Урко, поранешниот шеф на обезбедувањето на екс премиерот Никола Груевски. Митровски се товари за кривичното дело „Тешки дела против безбедноста на луѓето и имотот во сообраќајот“.

„Пријавата е земена во работа и истата се разгледува од страна на надлежниот јавен обвинител, по што ќе биде донесена мериторна јавнообвинителска одлука за која јавноста ќе биде навремено информирана.“, пишува во одговорот од ОЈО Скопје.

Од обвинителството соопштија и дека според добиениот наод од алкотест кај двајцата учесници, жртвата и Митровски, не е пронајден алкохол во крвта.

27.7.Urko-soobrakajka

Кривичната пријава од МВР е испратена 9 дена по тешката сообраќајна несреќа, која се случи ноќта на 27 јули кај Рампа во Кисела Вода.

Во сообраќајката загина 22 момче од Скопје, кое управувал со мотор, а во кое удрил Митровски со својот автомобил „БВМ“. Според очевидци, Митровски во тој момент се обидувал да сврти полукружно преку две полни линии, а во тој момент со моторот налетал младиот скопјанец. Момчето пет дена беше во кома и приклучено на апарати, но не успеа да преживее.

Според Кривичниот законик, за делото за кое е осомничен Митровски – „Тешки дела против безбедноста на луѓето и имотот во сообраќајот“, е предвидена казна затвор од една до десет години.

13672421_1003765279744260_1707424226_n-777x437