Јапонскиот премиер Шинзо Абе и актуелниот американски претседател, Барак Обама се сретнаа на пристаништето Перл Харбор, кое што Јапонија на 7.декември 1941 година го нападна без објава за војна.
Обама и Абе положија венци на меморијалниот споменик на Хаваите во облик на американскиот воен брод УСС Аризона, на кој загинаа 1.177 морнари и маринци во јапонскиот напад.
Иако им оддаде почит на жртвите, јапонскиот премиер не се извинил за Перл Харбор, исто како што Обама не се извини кога ја посети Хирошима годинава.
Абе и Обама се првите лидери на Јапонија и САД кои направиле средба на историските лузни на овие земји.
Над 2.000 Американци загинаа во 1941, а повеќе од 1.000 беа ранети кога 300 јапонски борбени авиони и бомбардери извршија напад врз Перл Харбор.
САД по нападот затворија 120.000 Јапонци во кампови, а во 1945 година фрлија атомски бомби врз Хирошима и Нагасаки.