Пратеникот Никола Груевски кој побегна во Унгарија за да избегне издржување на затворската казна, најави дека ќе поднесе оставка на пратеничката функција.
Расправата за одземање на пратеничкиот мандат на Груевски започна на Комисијата за мандатно – имунитетни прашања која препорача да му се одзеде мандатот поради 6 месечно отсуство на пратеникот од Собранието.
Груевски ја напушти земјава минатата година, кога беше осуден на 2 години затвор за случајот „Тенк“. Тој е обвинет во уште неколку случаи на СЈО за злоупотреба на службената положба, изборни нерегуларности, а беше осомничен и како организатор на Крвавиот четврток.
Груевски кој има добиено азил во Унгарија пишува дека неговото отсуство не може да се толкува како неоправдано и ако пратениците гласале за одземање на мандатот ќе го прекршеле ,,меѓународниот закон,, кој во членот 14 од Универзалната декларација за човекови права – азилот го третира како основно човеково право.
Груевски исто така наведува дека и дал насоки на секретарката да го пријавува како оправдано отсутен но тоа не било дозволено.
„Одлучив да се повлечам од пратеничката функција а за истото формално правно Парламентот ќе го известам во наредните денови“- напиша Груевски на ФБ.
Пратениците во македонското Собрание, кон средината на јуни тр да гласаат за одземање на мандатот на Груевски кој сите овие месеци примаше пратеничка плата.