13 угостителски објекти се затворени, приведени се четри малолетни лица, а издадени се и 49 прекршочни пријави, по вчерашната акција на МВР, УЈП и Државниот инспекторат за труд.
Како што соопшти на денешната прес-конференција Тони Ангеловски, портпарол на МВР, вкупно биле направени контроли во 24 угостителски објекти.
„Во осум угостителски објекти е евидентирано присуство на малолетни лица, а приведени се четири малолетници, двајца за користење наркотични средства, а двајца за утврдување на идентитет. Поради утврдени неправилности, затворени се 13 угостителски објекти, а на едукација се повикани пет сопственици на угостителски објекти“, рече Ангеловски.
Во исто време СВР Скопје беше спроведена и зајакната акциска контрола во врска со управувањето на возило од граѓани под дејство на алкохол. Тестови биле направени на вкупно 272 возачи, од кои кај 102 лица е утврдено присуство на алкохол.
„Констатирани се и 49 други прекршоци за што се издадени 12 мандатни и 37 прекршочни платни налози. Министерството за внатрешни работи во соработка со другите институции ќе продолжи со ваквите контроли и во наредниот период. Нема да биде толерирано никакво непочитување на законите“, рече Ангеловски.