26-годишен Словенец од околината на Кршко, кој беше брутално мачен и понижуван од страна на двајца напаѓачи кои снимката потоа ја објавија на „Фејсбук“, почина денеска.
Настанот се случи ноќта меѓу неделата и понеделникот, а полицијата потврди дека напаѓачите и жртвата се познавале, а пред трагедијата дури и заедно пиеле во гостилница.
Оваа морбидна трагедија ги запрепасти Словенците, посебно зошто насилниците се снимале, а получасовната тортура на „Фејсбук“ ја погледнале скоро 250.000 луѓе.
Полицијата брзо ги уапсила напаѓачите, на возраст од 20 и 29 години, и им одреди притвор и им се закануваат високи затворски казни.
Се уште се истражуваат мотивите за мачењето. Наводно, меѓу нив избила расправија, а потоа и неконтролирано насилство залеано со алкохол.