Фудбалерот на Монако, Радамел Фалкао, доби споменик во неговиот роден град во Колумбија. Статуата во бела боја е висока шест метри, подигната е во Санта Марта и ја прикажува препознатливата поза во која Фалкаo ги прославува головите.

Но, најсилен впечаток во јавноста остави фактот што уметничкото дело воопшто не наликува на славниот фудбалер.

Поради тоа преку локалните медиуми беше соопштено дека работите околу споменикот сè уште не се завршени, особено во делот на финална дообработка на лицето.

Слична ситуација имаше и со Кристијано Роналдо, кој доби споменик во родната Мадера во Португалија, но откако не беше задоволен од првата верзија споменикот беше заменет со друг.