Околу 300 домашни и 81 странски набљудувачи ќе ги набљудуваат предвремените парламентарни избори на 11 декември.
Од домашните акредитирани набљудувачи засега најбројни се набљудувачите од Здружението Национален ромски центар, или вкупно 144. Од МОСТ акредитирани 15 набљудувачи, 46 од ЦИВИЛ, од Центар за разбирање и институционална соработка има 45 акредитирани набљудувачи и 50 од Македонски центар за култура и развој. Од МОСТ велат дека се уште им е отворен повикот за набљудувачки, така што се очекува нивната бројка да расте бидејќи рокот за акредитирање во ДИК е до 6 декември.
Изборите ќе ги набљудуваат и седум членови на државната изборна комисија на Република Кореја, 15 членови на Советот за јавна дипломатија на Каталонија, 10 членови на Комисијата за изборни жалби на Косово.
Предвремените избори ќе ги набљудуваат и 34 акредитирани набљудувачи од ОБСЕ/ОДИХР – Мисијата за набљудување на избори.
За овие избори, акредитирани се и 36 преведувачи.
Сите акредитирани набљудувачи, можете да ги погледнете на овој линк.