Ненадејните смени и апсења на десетина министри, членови на кралското семејство, функционери и високи офицери во Саудиска Арабија немаат преседан во историјата во изминатите 85 години старото кралство. Без преседан засега е и незапирливиот подем кон власта на 32 годишниот принц Мухамед бин Салман кој пред само три години беше малку забележлив меѓу старите и искусни принцови.
Саудсика АРабија која во 1932 година ја основаше кралот Абдулазис ибн Сауд до сега имаше пшестѕ кралеви – и сите беа синови на основачот на државата, кој почина во 1953 година.
Ниту еден од нив не ја презеде власта во со нафта богатото кралство пред да наполни 50 години.
Сегашниот монарх, кралот Салман имаше 79 години кога пред речиси три години стапи на тронот.
Крунисаниот принц Мухамед бин Салман (32), чии шокантни потези во саботата навечер покажаа дрзок обид својата моќ да ја консолидира преку мерки за наводна корупција, беше првиот од својата генерација кој стана крал, со што власта се префрли од синовите на основачот на државата Абдулазиз на неговите внуци.
Со децении моќта во Саудиска Арабија преминуваше од брат на брат, но принцот Мухамед бин Салман би требало престолот да го наследи од својот татко.
Тој веќе има функција министер за одбрана и ги контролира сите аспекти на стопанството, планирањето, реформите и безбедноста во земјата.
Пред само неколку месеци, неговите перспективи за доаѓање на престолот беа малку извесни. Од април 2015 година именуван е за заменик крунисан принц, односно втор по редот во линијата на наследување, што изненади многу од постарите и поискусни членови на владејачкото семејство.
Први во низата на наследници на престолот беше принцот Мухамед бин Најеф, искусен член на кралското семејство.
Но, него бин Салман го избриша од линијата за наследување и му ја одзеде функцијата шеф на советот за борба против тероризмот и министер за внатрешни работи.
Со тоа, кралскиот син, принцот бин Салман остана со малку ривали на патот до тронот. Тој во јуни годинава и официјално стана крунисан принц, односно престолонаследник.
Асошиетед Прес во анализата потсетува дека бин Салман на почетокот на владеењето го тргна и својот полубрат принцот Мукрин од редот за наследство.
Теоретски, за избор на крунисаниот принц беше задолжен тнр. Совет за верност, тело кое во 2007 година го формираше тогашниот крал Абдулах, составен од синови и истакнати внуци на основачот на земјата.
Но со промените од 2015 година, улогата на ова тело и неговото значење се ограничени.
И покрај некои напори да се одлучува со консензус, Саудиска Арабија останува апсолутистичка монархија, каде сите крупни одлуки ги носи кралот.
Но дури и ако имало несогласувања, кралското семејство долго ја следеше традицијата да зборува во „еден глас“, посебно кога се работи за прашања на наследувањето, за да можат да настап единствено пред моќните саудиски племиња и свештенството.
Апсењето на истакнатите принцови се чини дека прави пресврт на начинот на кој кралското семејство им пристапува на внатрешните спорови, но исто така, го свтува вниманието кон крунисаниот принц како на реформатор кој е решен да го модернизира конзервативното кралство, на чие тло се наоѓаат најсветите исламски места.