Published: Wednesday, February 1, 2017 11:11
Новата администрација на САД под раководство на Доналд Трамп, не испраќа свои претставници во емисиите на Си-Ен-Ен, пишува „Политико“.
Цитирајќи извор од Белата куќа, „Политико“ пишува дека тоа се должи на ставот на Трамп дека Си-Ен-Ен е против него.
– Праќаме луѓе таму каде што мислиме дека тоа има смисла, за да ја промовираме нашата програма. Си-Ен-Ен не е такво место, вели изворот.
Според новинарите на Си-Ен-Ен тоа е обид на Трамп да го руши нивниот рејтинг.
Претставници на Белата куќа и понатаму продолжуваат да одговараат на прашањата на глобалната мрежа, но новиот портпарол на Белата куќа, Шон Спајсер и советникот Келијен Конвеј немаат гостувано во светскиот медиум подолго време.