Повеќе од 800 осомничени криминалци се уапсени ширум светот откако биле намамени да користат апликација за размена на кодирани пораки. Апликацијата била управувана од ФБИ и како таква уфрлена во криминалните структури, соопшти австралиската полиција.
Полицијата на Австралија и ФБИ, создале апликација која преку свои соработници агентите ја дистрибуирале во криминалните структури. На тој начин секој на секој корисник на оваа мрежа во подземјето лесно му била следена комуникацијата.
Во операцијата која траела три години биле декодирани пораки и разговори ц шверц на дрога, перење пари, па дури и заговори за убиства. Операцијата, била спроведена во повеќе од десетина земји при што биле запленети дрога, оружје, луксузни возила и готовина.
Во заплената се и осум тони кокаин, 250 пиштоли и повеќе од 48 милиони американски долари во различни светски валути и криптовалути. Австралискиот премиер Скот Морисон изјави дека операцијата „нанесе силен удар против организираниот криминал“ ширум светот.
Полициската агенција на Европската унија Европол ја опиша операцијата „Тројански штит/Гринлајт“ како „најголемата операција за спроведување на законот против криптираните комуникаци“поради кои полцијата долго време не успеваше да дојде до докази против овие криминогените структури.
Операцијата започна со тоа што полицијата успеа да пресретне и уништи две други криптирани платформи по што криминалните структури останаа без важна алатка за комуникација. Уредите првично ги користеле наводни високи фигури на криминал, поттикнувајќи другите криминалци да ја користат платформата.
Апликацијата е користена од 12 000 уреди од околу 300 криминални организации во повеќе од 100 земји во светот. Повеќе детали од овој историски успех на законот врз криминалот ќе бидат познати деновиве.