Полска ќе мора да плати дневна казна од 500.000 евра на Европската комисија за прекршување на претходна судска одлука за прекин на работа на рудникот за лигнит во Туров. Ова го соопшти Судот на правдата на Европската унија.
Полска зависна од јаглен е во конфликт со Чешка, која вели дека спорниот рудник ги оштетува заедниците преку границата.
– Полска доби наредба да и плаќа на Европската комисија дневна казна од 500.000 евра за неуспехот да ги прекине активностите за ископ на лигнит во рудникот Туров, одлучи Европскиот суд на правдата.
– Таквата мерка изгледа неопходна за да се зголеми ефикасноста на привремените мерки преземени по наредба од 21 мај 2021 година, одлучија судиите.
Прага поднесе жалба до Европската комисија, која минатата година почна постапка против Полска, инсистирајќи на тоа дека Варшава го прекршила правото на ЕУ.
Чешка, исто така, поднесе тужба до Луксембуршкиот суд на Европската унија, највисок во Европа, и доби поддршка од судии за привремена забрана за Полска да ги суспендира активностите на Туров до конечната одлука.
Таа, исто така, побара дневна казна од пет милиони евра за Полска. Судот денеска се согласи со барањето на Чешка, но определи многу помал износ.