Во текот на вчерашниот ден е потврден уште еден случај, а се чекаат резултати уште за уште четворица, информира Министерот за здравство Венко Филипче при посетата на Универзитетската Клиника за гинекологија и акушерство (ГАК) во Скопје. Според него овие заразени лица не биле вакцинирани, а во текот на денот ќе соопштат дали биле во странство и со кого имале контакти. Само еден од овие лица е со потешка клиничка слика.

– Грција е единствената земја од регионот која бара ПЦР тест и шотврда за вакцинација на граничните премини, истовремено е единствената земја која има пораст на случаите. Значи дека мора да внимаваме кога ги носиме мерките за да вистински служат и да штитат таму кај што треба. Во повеќе од 100 земји е регистриран делта сојот. А кај нас досега имаше потвреднеи три случаи, а во текот на вчерашниот ден е потврден уште еден случај. Се чекаат резултати уште за четири лица. Скринингот што се прави на тестовите ја исклучува британската варијанта, изјави Филипче.

Тој нагласи дека треба да се има еден поорганизиран псристап заедно со земјите од регионот, за да се завземе заеднички став кој е многу важен.

– Најдоцна до следната недела Комисијата за заразни болсети ќе завземе став околу можни реципроцитетни мерки на граничните премини за барање ПЦР тест од земјите каде што има делта сој, додаде Филипче.

Тој смета дека е многу рано да се каже дали ќе има одложување на почетокот на новата учебна година. Почетокот на школската година, како што рече, ќе зависи од повеќе фактори, а најмногу ќе зависи од емидемилошката ситуација, генерално во земјава.

-Во секој случај тоа што е најбитно е дека интензивно се врши вакцинација на наставниците и оти се спремни сите сценарија за почеток на школската година. Сега се вакцинираат и наставниците кои треба да почнат со физичко присуство, ако е се добро и стабилно, а сега држеа онлајн настава. Тој процес ќе заврши оваа и следната недела, па ќе го знаеме точниот процент, нагласи Филипче.