Пожарникарски екипи денеска имаа две интервенции во Челопек, во Општина Старо Нагоричане, информираат надлежните од РЦУК Куманово и од противпожарната единица на Старо Нагоричане. Оттаму велат дека првиот пожар бил регистриран од 11 часот, па сè до 12:30 часот, а гореле поранешни бараки. Вториот пожар пак бил регистриран во 15:20 часот и траел сè до 19 часот, при што изгорела и куќа, објект, добиток и стрништа.
– Таму сè уште има дежурни екипи, пожарот е локализиран, изјави командирот на противпожарната единица, Далибор Трајковски.
– Пожарот во моментот е под контрола, но извесно време екипите ќе останат на терен, бидејќи состојбата се менува од час во час, вели Трајковски.
– Пожар има над Довезенце, на еден повисок дел, таму е наша екипа, имаме активно жариште на потегот Горно Јачинце – Довезенце и на локацијата Мургаш кон Горно Јачинце, каде се работи на догасување, изјави Илиевски.
По објавите во некои медиуми за жртва во Старо Нагоричане МИА побара одговор од МВР од каде велат дека постапуваат по пријава во Челопек, Старо Нагоричане.