Вакцинацијата е единствениот начин да стигнеме до колктивен имунитет, порача денеска Министерот за здравство од Охрид, каде беше промовиран Проектот за реконструкција и опремување на современ центар за физикална терапија во „Св. Еразмо“.
На прашањето дали министерот би го вакцинирал своето дете, Филипче одговори позитивно.
– Во некои од западноевропските земји вакцинирањето го воведуваат како задолжително каде што доколку децата не се вакцинираат, нема да бидат примени во училиште. Кај нас нема да биде задолжителна вакцината, но децата треба да се вакцинираат како би се стекнал колективен имунитет, рече Филипче.
Од понеделник ќе почне теренската вакцинација, а ќе се дозволи и вакцинирање на деца од 12 до 16 години со вакцината на „Фајзер“.
Министерот потенцира дека во овој момент нема потреба од воведување на рестриктивни мерки во внатрешното функционирање на државата.
На состанок со членови на Комисијата за заштита од заразни болести, Филипче рече дека ќе се разговара околу можното воведување на нови мерки на граничните премини.пп
– Претежно ќе се зборува за тоа дали треба нешто да се препорача во однос на критериумите за влез, на границите, иако гледаме дека многу земји во регионот иако имаат некакви рестриктивни мерки, Грција на пример, има пораст на нови случаи. Треба да се препорачаат мерки којашто навистина ќе биде ефикасни, рече Филипче.