Прегледите завршени, условите договорени: Роналдо во наредните две сезони во Манчестер Ј.

Португалската фудбалска ѕвезда Кристијано Роналдо (36), кој во петокот го напушти Јувентус, претпладнево во Лисабон ги мина задолжителните медицински прегледи и ги договори личните услови за двегодишен договор со Манчестер јунајтед, јавија британските медиуми.

Од Манчестер јунајтед, засега, нема официјална потврда дека Роналдо потпишал нов договор со клубот за кој играше од 2003 до 2009 година.

Британските медиуми шпекулираат дека вредноста на трансферот на Роналдо од Јувентус во Јунајтед изнесува 15 милиони евра и може да порасне за дополнителни осум милиони евра во зависност од бонусите.