Арсенал се враќа во чекор со водечките екипи во Премиерлигата. „Топчиите“ во последниот меч од шестото коло го совладаа тимот на ВБА со 2:0 со головите на Александре Лаказет во 20 минута и во 67. и го задржаа стоотстотниот ефект на „Емирати“ на кој претходно беа поразени и Лестер со 4:3 и Борнмут со 3:0.
Првиот погодок на францускиот интернационалец дојде по слободниот удар на Алексис Санчез и интервецијата на голманот Фостер чија одбиена топка ја смести во мрежата. Вториот го постигна од белата точка по прекршокот врз Арон Ремзи.
Со оваа победа Арсенал се искачи на седмото место на табелата со 10 бода, еден помалку од Тотенхем, од Ливерпул и од Вотфорд. Она што предизвикува дополнителна доза на задоволство кај менаџерот Арсен Венгер е низата од три меча без примен гол на неговата екипа.
Герет Бери, пак, беше единствениот фудбалер меѓу гостите од Бирмингам на кого гостувањето во Лондон ќе му остане во сеќавање. Настапот на „Емирати“ за 36 годишниот играч за врска беше рекорден 633. во Премиерлигата со што го надмина Велшанецот Рајан Гигс. Дебито во англиската елитна конкуренција го имаше на 2 мај во 1998 година за екипата на Астон Вила. Потоа настапуваше и за Манчестер сити и за Евертон пришто постигна вкупно 52 гола.
Премиерлига, 6 коло
Арсенал – ВБА 2:0
Брајтон – Њукасл 1:0
Лестер – Ливерпул 2:3
Свонси – Вотфорд 1:2
Стоук – Челзи 0:4
Саутемптон – Манчестер јунајтед 0:1
Манчестер сити – Кристал Палас 5:0
Евертон – Борнмут 2:1
Барнли – Хадерсфилд 0:0
Вест Хем – Тотенхем 2:3
Табела: Манчестер сити 16, Манчестер јунајтед 16, Челзи 13, Тотенхем 11, Ливерпул 11, Вотфорд 11, Арсенал 10, Хадерсфилд 9, Њукасл 9, Барнли 9, Саутемптон 8, ВБА 8, Брајтон 7, Евертон 7, Свонси 5, Стоук 5, Лестер 4, Вест Хем 4, Борнмут 3, Кристал Палас 0.